Aprel yomg‘irlari yurtimiz uchun qanchalik foydali?

Ayni vaqtda Xalqaro Press klubning qishloq xo‘jaligiga oid navbatdagi sessiyasi bo‘lib o‘tmoqda.

O‘zbekistondagi suv omborlarida 12 milliard 400 million kub miqdorida suv mavjud bo‘lib, ularning 2 milliard kubi ushbu aprel oyidagi yomg‘irlar hisobiga to‘ldirildi. Bu o‘tgan yilgiga nisbatan ikki barobar ko‘p degani , dedi sessiyada so‘z olgan Respublika Suv xo‘jaligi vazirining o‘rinbosari Ravshan Mamutov.

R.Mamutovning aytishicha, joriy yil yirik suv omborlaridan biri bo‘lgan Chorvoq suv omborida suv miqdori 1 mlrd.kubdan oshgan, iyun oyining birinchi o‘n kunligiga qadar suv miqdori 1 mlrd. 700 mln.kubga chiqishi kutilmoqda.