Туркия клуби Ўзилни қўллаб-қувватловчи либосларда майдонга тушди

Туркиянинг «Йени Малатьяспор» клуби «Газишехир Газиантеп» клубига қарши ўртоқлик учрашувида (2:1) «Арсенал» ярим ҳимоячиси Месут Ўзилни қўллаб-қувватловчи ёзувлар туширилган футболкаларда майдонга тушишди.

Эслатиб ўтамиз, германиялик 29 ёшли футболчи Туркия президенти Ражаб Тоййип Эрдўған билан суратга тушганидан кейин бошланган можаролардан сўнг терма жамоадаги фаолиятини якунлашга қарор қилди. «Арсенал» ярим ҳимоячиси Немис футбол иттифоқи унга нисбатан ирқчилик муносабатида бўлганини билдирди.

Ўзил терма жамоа сафида 2009 йилдан буён тўп суриб келганди. У Германия терма жамоаси таркибида 92та учрашувда майдонга тушиб, 23та гол урган.

Manba: kun.uz