Винисиус "Реал" президентига мурожаат қилди

Мадриднинг "Реал" клуби ҳужумчиси Винисиус Жуниор УЕФА Чемпионлар лигаси финалига чиққанидан кейин клуб президенти Флорентино Пересга мурожаат қилди.

"Жаноб, Президент, мени шундай буюк клубга таклиф қилганингиз учун раҳмат. Бу шунчаки ақл бовар қилмайдиган нарса!" - дея пост қолдирди бразилиялик форвард ижтимоий тармоқларда.

Чемпионлар лигаси ярим финалининг жавоб учрашувида мадридликлар Мюнхеннинг “Бавария” жамоасини 2:1 ҳисобида мағлуб этишди. Биринчи учрашувда дуранг қайд этилганди - 2:2. Нуфузли турнирнинг финал учрашувида “Лос Бланкос” Дортмунднинг “Боруссия” жамоасига қарши баҳс олиб боради.