АҚШ Конгрессида буджетдаги келишмовчиликлар NASA ишига путур етказади
АҚШ Конгрессидаги Демократик ва Республикачилар партиялари вакиллари ўртасидаги 2024 йилги буджетни қабул қилиш бўйича келишмовчиликлар Миллий Аэронавтика ва космик агентлик (NASA) ишига салбий таъсир кўрсатди.
Science News нашридаги мақолада қайд этилишича, NASAнинг «коинотни кенг тадқиқ этиши хавф остида» Республикачилар ва демократ кўпчилик АҚШ Конгресси Вакиллар палатасида 2024-молия йили учун буджет бўйича келишувга эриша олмагани ва агентлик тузилмаларини қўллаб-қувватламаслиги узоқ давом этган.
Нашрнинг қайд этишича, NASA буджети қисқартирилишидан Марсдан тупроқ ва тоғ жинслари намуналарини Ерга ташиш лойиҳасини амалга ошириш ва агентликнинг бошқа сайёравий илмий тадқиқотлари энг кўп зарар кўрган.
«Коинотни тадқиқ қилиш орзулари Қўшма Штатлардаги буджетни қисқартириш ҳақидаги оғир ҳақиқат билан тўқнаш келди», деб таъкидлайди нашр.
Science News Конгресс томонидан тасдиқланган кечиктирилган 2024 йил буджети NASAга ўтган йилга нисбатан «тахминан ярим миллиард доллар камроқ» ажратганига ишора қилмоқда. Мақола муаллифларининг таъкидлашича, маблағларнинг бу қисқариши Марс тадқиқотига «энг кучли зарба» бўлган.
Илгари NASA «буджет танаффуси» туфайли бошқа сайёраларда бурғулаш ва сунъий йўлдошлар устида ишлашни тўхтатган эди.
Агентликнинг Калифорниядаги лабораторияси февраль ойида 530 нафар ходимни (жами ишчи кучининг 8 фоизи) маблағ етишмаслиги сабабли ишдан бўшатишини маълум қилган эди.
