Ҳиндистонда 85 та рейс бекор қилинди
Ҳиндистоннинг Air India Express авиакомпанияси ходимлари етишмаслиги сабабли иккинчи кун кетма-кет кўплаб рейсларни бекор қилишга мажбур бўлмоқда. Парвозлар жадвали бузилгани ҳақида авиакомпания матбуот хизмати маълумот берди.
“Бугун 283 та рейсни амалга оширамиз. Биз барча имкониятларни сафарбар қилдик. Air India 20 та рейсни амалга ошириш орқали бизни қўллаб-қувватлайди. Бироқ 85 та рейс бекор қилинган. Биз йўловчилардан аэропортга боришдан олдин парвоз маълумотларини текширишларини сўраймиз”, - дейилади кеча эълон қилинган хабарда.
Агар парвоз уч соатдан ортиқ кечиктирилса, авиакомпания тўловни тўлиқ қайтаришни кафолатлайди ёки қўшимча тўловсиз парвозни кейинги санага ўзгартиради.
ТАСС агентлигининг хабар беришича, ўтган чоршанба куни авиакомпания кўплаб ходимларини ишдан бўшатган. Жумладан, 25 нафар катта стюардесса ишдан бўшатилган.
