Apple ижтимоий тармоқларда танқидларга сабаб бўлган реклама учун узр сўради

Apple бош директори Тим Кук iPad Pro-ни реклама қилувчи бир дақиқалик видеони чоп этди. Видеода кучли пресс функциялари янги гаджетда бирлаштирилган турли объектлар пирамидасини майдаламоқда. Улар орасида труба, ноталар билан пианино, метроном, гитара, бўёқ қутилари, чироқ, ўйин машинаси, магнитафон, телевизор, камера, китоблар, расм, ҳайкал ва резина шарлар бор.

Видео ижтимоий тармоқларда кескин танқидларга сабаб бўлди. Кук янги технологиялар ёрдамида бутун инсоният тажрибаси ва маданиятини йўқ қилишда айбланган. Норозилик кампаниясига актёр Хю Грант ва режиссёр Рид Морано қўшилди. Натижада Apple вице-президенти Тор Мурен видео учун узр сўради ва уни телевизорда кўрсатмасликка ваъда берди.