Номаълум шахслар томонидан АҚШнинг Суриядаги ҳарбий базасига ҳужум қилинди

Суриядаги "Al-Ixbariya" давлат телеканалининг маълум қилишича, номаълум шахслар мамлакат жануби-шарқидаги Америка ҳарбий базасига ҳужум қилишган.

База Дейр-эз-Зор вилоятидаги Омар нефт конида жойлашган бўлган. Аввалроқ АҚШ расмийлари террорчилар қўлига тушмаслиги учун Суриядаги нефт конларини ҳимоя қилишда давом этишларини маълум қилишган эди.

Ҳужум ҳарбий техникали юк машиналари базага келган пайтда бошланган. АҚШ ҳарбийлари бунга жавобан артиллерия ўқлари ва паст овозли граната билан жавоб қайтаришган, дейилади хабарда.