Ироқ шимолида 6 PКК террористи зарарсизлантирилди
Туркия Миллий Мудофаа вазирлиги Ироқ шимолида 6 нафар PКК террористи зарарсизлантирилганини маълум қилди.
Туркия департаменти терроризмга қарши курашнинг энг қатъий ва самарали тарзда давом этаётганини таъкидлади.
Туркия Қуролли кучлари Pençe-Kilit операцияси ҳудудида PККга аъзо 6 нафар террористни зарарсизлантирди, дейилади Туркия Мудофаа вазирлиги баёнотида.
Президент Ражаб Тоййиб Эрдўған, PКК жангарилари Туркияда биринчи марта қонли жиноят содир этган 1984 йилдан буён 2020 йилнинг мартигача Туркиянинг 7500 нафар хавфсизлик кучлари ва 6800 нафар тинч аҳоли вакиллари бу қотил ташкилот қўлидан ҳалок бўлганини айтди.
АҚШ ва Европа Иттифоқи PККни террор ташкилоти рўйхатига киритди.
Анқаранинг мавжуд вазиятни ҳал қилиш йўлларини топишга уринишларига қарамай, террор ташкилоти PКК 2015 йилнинг июль ойидан бери қуролли ҳужумларни қайта бошлади.
Сўнгги йилларда PКК минтақадаги қонли жиноятлар учун жавобгарликни ўз бўғинларига ўтказишга ҳаракат қилди.
Сурияда PКК террористлари PYD ва YPG номлари ортига яшириниб, сўнгги икки йил ичида ўзларини «Сурия Демократик кучлари» деб аташди.
Эронда ПКК Курдистон эркин ҳаёт партияси (PJAK) сифатида фаолият юритади.
