Эрдоған: Туркия фақат Исроилни ақлга келтириш учун ҳаракат қиляпти
Туркия раҳбари Туркия Мустақил саноатчилар ва ишбилармонлар уюшмаси (MÜSİAD) бошқарув кенгаши аъзолари билан бўлиб ўтган учрашувда Туркия ва Исроил ўртасидаги товар айирбошлаш ҳажми 9,5 миллиард долларни ташкил этганини, аммо шунга қарамай, мамлакат тўлиқ "Бу эшикни ёпди", деб хабар берди.
Режеп Таййип Эрдоған, Исроил билан савдони тўхтатиш масаласига нисбатан Туркия фақат Исроилни ақлга келтириш ва Фаластинда тўлиқ сулҳга эришиш учун ҳаракат қилаётганини айтди.
Унинг сўзларига кўра, Туркиянинг бу масалада биргина мақсади бор – назоратдан чиқиб кетган Биньямин Нетаньяху маъмуриятини Фаластинда ўт очишни тўхтатишга мажбур қилиш.
Шу билан бирга, Туркия раҳбари Туркия ҳукумати Исроилни урушни тугатишга мажбурлаш ва Фаластинга инсонпарварлик ёрдами ҳажмини ошириш учун бир қатор тижорий чоралар кўрганини таъкидлади.
“Туркия Ғазо секторига инсонпарварлик ёрдами жўнатиш бўйича дунёда биринчи ўринда туради. Шу кунгача Фаластин халқига салкам 50 минг тонна юк жўнатилди. Биз минтақамиздаги бирор бир давлат билан душманлик ёки уруш олиб боришга интилмаймиз. Биз шунчаки географиямизда тўқнашувлар, қон ва кўз ёшлар кўришни истамаймиз”, – дейди Режеп Таййип Эрдоған.
