ММА афсонаси Федор Емельяненко ҳам ўзини боксда синаб кўрмоқчи

ММА афсоналаридан бири Федор Емельяненко бокс жанги ўтказиши мумкин.

"ММАдаги фаолиятимни якунладим. Афсуски мен кураша олмайдиган жароҳатлар бор. Аммо бокс тушишни истайман. Ўзимни боксда синаб кўришни истардим.

Рақиблар? Мен тайёрланяпман, ҳозирча дастлабки музокаралар ўтказилмоқда. Майк Тайсон билан жанг қиламиз деб ўйлагандим, аммо бу уни истамади. Ҳозирча бир неча боксчилар билан, аниқроғи, уларнинг промоутерлари билан гаплашяпмиз. Аммо мен бу ҳақида олдиндан айтишни истамасдим.

Агар аниқ бўлса, буни яқин вақт ичида билиб оламиз", - деди Федор Емельяненко.