Туркия парламенти ва АҚШ Конгресси ўртасида кўпроқ тизимли алоқалар ўрнатиш вақти келди
Туркия ва Америка Қўшма Штатлари ўртасидаги муносабатларда ҳамкорлик учун очиқ кўп сонли соҳалар мавжуд. Бу ҳақда Туркия парламентининг Ташқи алоқалар комиссияси раиси ва Анқара депутати Фуат Ўқтай Вашингтонда турк журналистлари билан учрашувда Туркия делегациясининг АҚШга ташрифи доирасидаги алоқаларни шарҳлар экан, айтиб ўтди.
Октай, учрашувлар чоғида икки томонлама ва минтақавий муносабатлардан тортиб, тижорат шерикликларига қадар кенг миқёсда икки давлатга тегишли кўплаб мавзулар муҳокама қилинганини қайд этди. Туркиялик сиёсатчига кўра, Конгресс аъзолари билан учрашувлар жуда конструктив ўтди.
«Биз бу ерда, айниқса, Вакиллар палатаси ва Сенат даражасида кўпроқ таркибий муносабатларни ривожлантириш ва мавжуд механизмларни фаоллаштириш учун келдик. Туркия Олий Миллат Мажлиси билан Конгресс ўртасида янада тизимли алоқа ўрнатиш вақти келди», деди Октай.
Сиёсатчи Туркия делегацияси терроризмга қарши курашдан тортиб, Ғазо секторигача бўлган кўплаб мавзуларда Туркиянинг позициясини америкалик суҳбатдошларига етказганига эътибор қаратди.
Октайга кўра, Туркиянинг АҚШ билан умумий манфаатлари бор, лекин бу борада келишмовчиликлар ҳам бор.
