Лос-Анжелес халқаро аэропортида йўловчи ҳаракатланаётган самолётдан сакради

CBS Los Angeles телеканали хабар қилишича, Лос-Анжелес халқаро аэропортида йўловчи ҳаракатда бўлган самолётдан сакради.33 ёшли Мексика фуқароси трасса бўйлаб юриб кетаётган ҳаво кемасидан сакраганида кўплаб жароҳат олган ва шифохонага юборилган.

Аниқланишича, эркак олдин учувчилар хонасига киришга уринган. Кейин эса авария трапидан фойдаланган. Бу вақтда бошқа йўловчилар уни тўхтатишга уринишган.

Фуқаро авиацияси бошқармаси воқеа бўйича суриштирувни бошлади. Энди авиатранспортда хавфсизлик қоидаларини бузган одамга 20 йилгача қамоқ жазоси берилиши мумкин. У экипаж ишига халақит берганликда айбланмоқда.