ДХХ раиси Абдусалом Азизов Фарғонада Қирғизистон ва Тожикистон МХҚ раислари билан учрашди

Ўзбекистон Давлат хавфсизлик хизмати раиси Абдусалом Азизов 6 май куни Фарғона шаҳрида Қирғизистон миллий хавфсизлик қўмитаси раиси Қамчибек Ташиев ҳамда Тожикистон миллий хавфсизлик қўмитаси раиси Саймўмин Ятимов билан учрашди.

Томонлар учрашувда минтақавий хавфсизлик, терроризм, наркотрафикка қарши курашиш ҳамда чегара масалаларини муҳокама қилган.

Музокаралар давомида томонлар қирғиз-тожик чегараларини делимитация қилиш ва ўзбек-қирғиз давлат чегараларини демаркация қилиш жараёнларини жадаллаштириш бўйича келишувларга эришган.