Эроннинг биринчи президенти вафот этди
1979 йилдаги Ислом инқилобидан сўнг дарҳол сайланган Эроннинг биринчи президенти Aбулҳассан Банисадр 89 ёшида вафот этди. Бу ҳақда IRNA ахборот агентлиги хабар берди.
Республиканинг собиқ раҳбари узоқ давом этган касалликдан сўнг Париждаги Сальпетриер касалхонасида ҳаётдан кўз юмди. Эрон собиқ президентининг ўлими ҳақидаги хабарни унинг рафиқаси, болалари, ака-ука ва опа-сингиллари маълум қилишди. Шу билан бирга, француз матбуоти Банисадрнинг ўлими ҳақида ҳали хабар бермади.
Aболҳассан Банисадр 1933 йил 22 мартда Ҳамадоннинг Багче шаҳрида туғилган. У 1980 йил бошидан 1981 йил ўрталарига қадар Эрон раҳбари бўлди. 1981 йил 20 июнда парламент овоз беришида "Ислом руҳонийларига қарши қаратилган фаолият учун" деган айблов билан импичмент қилинди. Ўша йилнинг 1 июлида у расман лавозимидан четлатилди. Эрондан қочиб, Францияда бошпана топди. Ўтган тўрт йил ичида у Эрон ҳақида фаол мақолалар ёзиб, исломий режим ва унинг раҳбарларига қарши фикр билдирган.
