Эронда президентлик сайловларининг иккинчи босқичида овоз бериш бошланди

Жума куни Эронда муддатидан олдин президентлик сайловларининг иккинчи босқичи бўлиб ўтади, сайлов участкалари маҳаллий вақт билан соат 08:00да очилди. Мамлакатдаги сайлов натижалари барча овозлар санаб бўлингандан сўнг 6 июль куни эрталаб маълум бўлиши кутилмоқда.

69 ёшли собиқ соғлиқни сақлаш вазири, ислоҳотчи Масуд Пезешкиян ва Эрон раҳбарининг республика Миллий хавфсизлик олий кенгашидаги 58 ёшли вакили, консерватив Саид Жалилий президентлик учун курашади. 28 июнь куни бўлиб ўтган биринчи турда Пезешкиян ва Жалилий мос равишда 44 фоиз ва 40 фоиз овоз олган. Ғалаба қозониш учун 50% дан кўпроқ овоз олиш керак эди. Сайловчиларнинг 40 фоизи иштирок этди, бу исломий республиканинг 45 йилидаги энг паст кўрсаткичдир. Сайлов бюллетенларининг камида 4 фоизи ҳақиқий эмас деб топилди.

Эрондаги сиёсатчилар шартли равишда учта лагерга бўлинган: консерваторлар, ислоҳотчилар ва мўътадиллар. Шу билан бирга, барча оқимлар вакиллари республика давлат тузумини, жумладан, исломни мамлакатнинг расмий дини сифатида мустаҳкамлашни зарур деб ҳисоблайдилар.