300 мингдан ортиқ мухлис Испания-Германия ўйинини қайта ўтказилишини талаб қилмоқда

300 мингдан ортиқ немис ишқибозлари Испания – Германия ўйинини такроран ўтказилишини истамоқда.

Германия Евро-2024 чорак финалида Испанияга мағлуб бўлди (1:2) ва турнирдан чиқиб кетди.

300 мингдан ортиқ германиялик мухлислар учрашувни қайта ўтказишни сўраб онлайн петицияга имзо чекишди, дея хабар беради Sky Sport Deutschland.

Мурожаат ташаббускорининг фикрича, ҳакам Энтони Тейлор бу ўйинда жуда кўп хатоларга йўл қўйган: хусусан, Германия терма жамоаси ярим ҳимоячиси Жамол Мусиала томонидан тепилган тўп ҳимоячи Марк Кукурельянинг қўлига тегиб кетган эпизодда у пенальти белгиламади.