Тошкент шаҳри ЙҲХБнинг Юнусободдаги рўйхатдан ўтказиш бўлими таъмирлаш учун ёпилади

Пойтахт ЙҲХБнинг Юнусобод туманидаги рўйхатдан ўтказиш, имтиҳон олиш бўлими («Гвардейская») реконструкция қилиш учун ёпилади. Ҳайдовчилар шаҳардаги бошқа бўлинмаларга мурожаат қилишлари мумкин.

8 июлдан бошлаб Тошкент шаҳри Йўл ҳаракати хавфсизлиги бошқармасининг Юнусобод тумани О.Зокиров кўчаси (собиқ Гвардейская) 2-уйда жойлашган рўйхатдан ўтказиш, имтиҳон олиш бўлими таъмирлаш ишлари сабабли ёпилади.

Бошқарма матбуот хизмати хабарига кўра, ҳайдовчилар қуйидаги бўлинмаларга мурожаат қилишлари мумкин:

• Миробод тумани Бешкент кўчаси 43-уй (Файзобод)
• Миробод тумани Водил кўчаси 53-уй (Узбум)
• Чилонзор тумани Бунёдкор кўчаси 118А-уй (Собир Раҳимов)
• Сергили тумани Сергили автомашина бозор ҳудудида.