O‘zbekistonlik ayollar Turkiyaga kelin bo‘lish bo‘yicha dunyoda birinchi o‘rinni egalladi

O‘zbekiston ayollari Turkiyaga kelin bo‘lishda yetakchilik qilishmoqda. Bu haqdagi statistika e’lon qilindi.

E’lon qilingan statistikaga ko‘ra, o‘zbekistonlik xotin-qizlar Turkiyada 2015 yildan beri xorijlik kelinlar orasida son jihatdan birinchi o‘rinni egallab turgan Suriyalik ayollarni ortda qoldirdi. O‘tgan 2023 yil davomida 3716 nafar o‘zbekistonlik ayollar turkiyalik erkaklarga turmushga chiqishgan.

Ikkinchi o‘rinni Suriya 3519 ta nikoh bilan, uchinchi o‘rinni esa Ozarbayjon 2818 ta nikoh bilan band qilgan. Keyingi o‘rinlarda esa Rossiya va Germaniya davlatlari turibdi.