O‘zbekistonda karantin sabab oilaviy ajralishlar soni ko‘paydimi?

— O‘zbekistonda karantin sabab oilaviy ajralishlar soni ko‘paydimi?

Mahalla va oilani qo‘llab-quvatlash vazirining matbuot kotibi Saodat Boymirzayeva:

Yil boshidan 7 857 ta oilaviy ajralishlar ro‘yxatga olindi. 2020 yilda jami 49 811 ta nikoh va 7 857 ta ajralish qayd etilgan. Ajrashishlarni qayd etilgan nikohga nisbati (koeffisiyenti)  –  15,8%. 2019 yilning mos davriga (8 019 ta) nisbatan 162 taga kamaygan.

Ajrimlar sababi: oilaviy kelishmovchilik (50,5%), farzandsizlik (16,3%), uzoq vaqt birga oila bo‘lib yashamaslik (10%), migrasiya (2,8%), xiyonat (3,4%), boshqa sabablar (17,0%).

Karantin davrida oilaviy kelishmovchiliklar ortib borayapti degan nuqtai nazar noto‘g‘ri. Aksincha, ushbu sinovli kunlar oilalar, mahallalarda noyoblashib qolgan mehr-oqabitni qaytardi, hamjihatlik, o‘zaro daxldorlik hissi ortdi.

Bu yilgi Ramazon esa sinovli kunlarga to‘g‘ri kelgani bilan 2 karra ahamiyati yuqori. Aminmizki – ushbu oyda oilalarimizni turli salbiy holatlar, o‘zaro kelishmovchiliklar tark etib, oilaviy ajrim yoqasida turgan oilalar ham yarashib, oilalarda va mahallalarda hamjihatlik, halovat muhiti qaror topadi.