U-17 JCH. Bugun vakillarimiz Ispaniya bilan to‘qnash kelishadi
O‘zbekiston o‘smirlar terma jamoasi bugun U-17 Jahon chempionati guruh bosqichi doirasidagi 3-uchrashuvini o‘tkazadi. Mazkur o‘yinda futbolchilarimiz to‘liq oq libosda, darvozabonimiz esa to‘q sariq libosda harakatlanadi.
Uchrashuvni ekvadorlik hakamlar brigadasi boshqarib boradi. Bosh hakam — Avgusto Aragon, unga qanotlarda hamyurtlari Rikardo Baren va Andres Guttiyerez yordam beradi. 4-rasmiy hakam vazifasi esa Yudi Nursahyaga (Indoneziya) topshirilgan.
Eslatib o‘tamiz, O‘zbekiston — Ispaniya o‘rtasidagi o‘yin 16 noyabr soat 14:00 da start oladi.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
