Zelenskiy Trampga suiqasdga urinishdan so‘ng eng yaxshi tilaklarni bildirdi
Ukraina prezidenti Vladimir Zelenskiy AQShning sobiq prezidenti Donald Trampga suiqasd uyushtirilgani ortidan har yerda sodir bo‘ladigan siyosiy zo‘ravonlikni qoraladi.
«Suiqasd uyushtirishda gumonlanuvchi tezda qo‘lga olingani yaxshi. Bu bizning tamoyilimiz: qonun ustuvorligi va siyosiy zo‘ravonlikka dunyoning hech bir joyida o‘rin yo‘q», - dedi Zelenskiy Tramp va uning oilasiga eng yaxshi tilaklarini bildirib.
Ba’zi AQSh OAVlariga ko‘ra, gumonlanuvchi Ukrainaning kuchli tarafdori bo‘lgan va hatto Rossiyaga qarshi urush harakatlarida yordam berish uchun u yerga borgan.
Kreml matbuot kotibi Dmitriy Peskov ham voqeaga izoh berdi.
«Biz u yerda, jumladan, siyosiy raqiblar o‘rtasidagi vaziyat qanchalik keskin ekanini ko‘rishimiz mumkin – siyosiy kurash kuchaymoqda», — dedi Peskov. «Biz buni diqqat bilan kuzatmoqdamiz, lekin biz bunga hech qachon aralashmaganmiz va hozir ham aralashmaymiz».
