Samarqand viloyatidagi “qizil” hududlarda avtomobillarda stikersiz harakatlanishga ruxsat berildi

Bugun, 1 iyundan boshlab  Samarqand viloyatidagi “qizil” hududlarda ertalab 7:00 dan 10:00 gacha, kech 17:00 dan 20:00 gacha avtotransport, mototransport vositalari va velosipedlarga stikersiz harakatlanishga ruxsat beriladi.

Avtotransport vositalarining maxsus ruxsatnomasiz (stikersiz) harakatlanishiga faqatgina ish joyiga borib-kelishi, tibbiy buyumlar, dori vositalari, oziq-ovqat va birinchi galdagi mahsulotlarni xarid qilish uchun harakatlanishiga ruxsat beriladi.

Bu haqda  Samarqand viloyat Epidemiyaga qarshi kurashish favqulodda komissiyasi yig‘ilishida aytib o‘tildi.