Rossiya husiylarni qurollantirmoqchi: endi buni kim to‘xtata oladi?

Rossiya iyul oyi oxirida Yamandagi husiylarga raketa va harbiy texnika yetkazib berishga tayyorlanayotgan edi, biroq Saudiya Arabistonining ogohlantirishidan so‘ng so‘nggi lahzada bundan voz kechgan edi, deb yozadi CNN bir nechta manbalarga tayanib.

Nashrning ikki suhbatdoshiga ko‘ra, Qo‘shma Shtatlar Saudiya Arabistoniga Moskvani husiylarga qurol yetkazib bermaslikka ko‘ndirishda yordam so‘rab alohida murojaat qilgan. Biroq, Amerika razvedkasi Saudiya Arabistonining ogohlantirishi hal qiluvchi bo‘lganmi yoki Rossiyani o‘z rejalaridan voz kechishga undagan omillardan biri bo‘lganmi, bilmaydi.

Oxir-oqibat qurol yetkazib berish kechiktirildi, ammo iyul oyi oxirida Rossiya husiylarga yordam berish uchun Yamanga uch kunga harbiy xizmatchilarni yubordi. Amerika rasmiylari Rossiya kemalari xodimlarini tushirish va qayiqda Yamanga olib borish uchun Qizil dengiz janubida to‘xtaganini kuzatgan. CNN manbalariga ko‘ra, rus harbiylarida sumkalar bor edi.Kemalar Rossiya topshirmoqchi bo‘lgan texnikani tashiydimi yoki yo‘qmi, aniq emas.

Rossiya rasmiylari husiylarni qurollantirish va ularga maslahat berishni Bayden ma’muriyatining Ukrainaga AQSh tomonidan taqdim etilgan qurollardan foydalangan holda Rossiya hududiga zarbalar berishga ruxsat bergan qaroriga qarshi javob qaytarish usuli sifatida ko‘rishdi, deydi CNN manbalari.