UzAutoMotors bosh direktori jarimaga tortildi
UzAutoMotors bosh direktori, shvesiyalik Bo Inge Andersson ish haqining 5 foizi miqdorida jarimaga tortildi. Bu haqda Istiqbolli loyihalar milliy agentligi korporativ axborot yagona portalida ma’lum qilindi.
Qayd qilinishicha, Andersson UzAutoMotors Powertrain tashqi savdo operasiyalari bo‘yicha muddati o‘tgan debitor qarzlarini o‘z vaqtida bartaraf etish choralarini ko‘rmagan. Shu bois, unga nisbatan jarima ko‘rinishidagi intizomiy jazo chorasi qo‘llangan.
Bo Inge Andersson 2021 yil avgustida UzAutoMotors bosh direktori etib tayinlangan edi. U avtomobilsozlik sohasidagi top-menejerlardan biri bo‘lib, Shvesiyaning Saab, Rossiyaning GAZ va AvtoVAZ kompaniyalaridan ishlagan.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
