«PSJ» Mbappe bilan sudlashishga qaror qildi

«PSJ» Kilian Mbappe oldidagi qarzini to‘lamoqchi emas.

Eslatib o‘tamiz, bugun Fransiya Professional futbol ligasi (LFP) yuridik qo‘mitasi Parij klubiga «Real»ga o‘tgan forvardga 55 million yevro to‘lashni buyurgan edi.

Biroq «PSJ» futbolchiga bu summani to‘lamoqchi emas, deb yozadi "L'Equipe". Parijliklar ular qonuniy harakat qilishgan va mehnat qonunchiligi bilan bog‘liq ishlarni ko‘rib chiqadigan sudda ko‘rib chiqishga tayyor deb hisoblashadi.

Press-relizda klub bu masala yuqori yurisdiksiyaga yuborilishini tasdiqladi.