Pokiston chegarachilarining javob zarbasi natijasida kamida sakkiz nafar Tolibon jangarisi yo‘q qilindi

Afg‘onistonning Pilvasin tumanidan transchegaraviy o‘qqa tutilishiga javoban Pokiston chegara qo‘shinlari tomonidan uyushtirilgan zarbada kamida sakkiz nafar afg‘on Tolibon jangarisi halok bo‘ldi, 16 nafari yaralandi.

Bu haqda The News nashri xabar bermoqda.

Uning so‘zlariga ko‘ra, 7 sentyabr kuni ertalab “Afg‘on toliblari zamonaviy qurollardan foydalangan holda Pokiston nazorat-o‘tkazish punktlariga o‘t ochgan”.

Avvalroq Afg‘onistonning TOLOnews telekanali Xost viloyatidagi bahsli chegara hududida Tolibon va Pokiston harbiylari o‘rtasidagi davriy janglar ikkinchi kundan beri davom etayotgani haqida xabar bergan edi. Afg‘oniston tomoni bahsli chegarada nazorat-o‘tkazish punkti qurayotgani sababli 7 sentyabr kuni Tolibon va Pokiston chegarachilari o‘rtasida yana janglar boshlangani xabar qilingan edi. Har ikki tomondan qurbonlar borligi qayd etilgan, biroq ularning aniq soni aytilmagan. Hududda harbiy harakatlar kuzatildi.