Parijdagi Olimpiya qishlog‘ida oziq-ovqat yetishmayapti, sifatsiz taomlar berilmoqda

Buyuk Britaniyadan kelgan sportchilar Parijdagi Olimpiya qishlog‘ida oziq-ovqat tanqisligi va sifatsiz oziq-ovqatlardan shikoyat qildi.

Bu haqda Britaniya Olimpiya assosiasiyasi rahbari Endi Enson “Daily Mail” nashriga ma’lum qildi.

Ta’kidlanishicha, sportchilar Olimpiya qishlog‘idagi asosiy restorandan norozi.

«Katering kompaniyasi oziq-ovqat yetkazib berishni tezlashtirish ustida ishlamoqda. Ba’zi ovqatlar yetarli emas: tuxum, tovuq, ba’zi uglevodlar. Bundan tashqari, sportchilarga xom go‘sht beriladi. Biroq, oziq-ovqat sifati muhim ahamiyatga ega. Sportchilarimiz Klishidagi restoranimizda ovqatlanishni afzal ko‘rdi», dedi Anson.

Eslatib o‘tamiz, Parij Olimpiadasi 26 iyuldan 11 avgustgacha bo‘lib o‘tadi.