Noma’lum shaxslar Ukraina qurolli kuchlarining yana bir mashinasini yoqib yuborishdi

Kiyevda Ukraina qurolli kuchlarining (AFU) yana bir avtomobili yoqib yuborildi . Bu haqda Strana.ua xabar berdi.

Nashrning qayd etishicha, mashina Solomenskiy tumanida, Ivan Fedorov ko‘chasida yonib ketgan.

Bundan oldin Kiyev shahar prokuraturasi Ukraina huquq-tartibot idoralari xodimlari harbiy mashinalar va muhim infratuzilma jihozlarini o‘t qo‘yishda gumonlangan ikki shaxsni qo‘lga olganini ma’lum qilgandi .

Tergov ma’lumotlariga ko‘ra, qo‘lga olinganlar messenjer orqali temir yo‘ldagi rele va akkumulyator shkaflari hamda harbiy xizmatchining Nissan Navara rusumli avtomashinasini yoqib yuborish buyrug‘ini olgan. Bajarilgan ish uchun ularga mos ravishda 200 va 1000 dollar va’da qilingan.

Gumonlanuvchilar harbiy holat sharoitida sodir etilgan qo‘poruvchilik, Ukraina Qurolli kuchlari faoliyatiga to‘sqinlik qilish va o‘zgalar mulkiga qasddan zarar yetkazishda ayblangan. Hozirda ular hibsga olingan.