Bugun O‘zbekiston "Humo Arena"da Braziliyaga qarshi ikkinchi o‘yinini o‘tkazadi

Jahon chempionati oldidan so‘nggi tayyorgarlik jarayonlarini o‘tkazayotgan O‘zbekiston futzal terma jamoasi bugun jahon reytingi peshqadami Braziliyaga qarshi ikkinchi o‘rtoqlik uchrashuvida ishtirok etadi.

Jamoalar o‘rtasida 6 sentyabr kuni bo‘lib o‘tgan o‘yin 9:2 hisobida Janubiy amerikaliklar foydasiga hal bo‘lgandi.

O‘zbekiston – Braziliya
8 sentyabr | 20:00
“Humo arena”

Tarixda ilk bor muhtasham “Humo arena” futzal uchrashuvini qabul qiladi. Majmua 12 ming muxlisni o‘z bag‘riga sig‘dira oladi. Ushbu bahs FIFA Jahon chempionati oldidan majmuani sinovdan o‘tkazish imkonini beradi.