Ukrainada asirga olingan ruslarga uylariga qo‘ng‘iroq qilish taqiqlanadi

Rossiyalik harbiy xizmatchilarni asirlikda saqlash shartlari yanada qattiqlashadi, lekin Jeneva konvensiyalariga amal qiladi, dedi Ukraina Ombudsmani Dmitriy Lubines. Uning ta’kidlashicha, harbiy asirlarga nisbatan insonparvarlik me’yorlarini belgilovchi hujjatlar uyga qo‘ng‘iroq qilishga ruxsat berishni talab qilmaydi, garchi avvalroq rossiyaliklarga bunday huquq berilgan edi. Shu bilan birga, Rossiya harbiylari yozishmalar huquqini saqlab qoladi.

Lubines Ukraina qurolli kuchlarining Rossiya Federasiyasiga taslim bo‘lishga uringan askarlarining qatl etilishini sharhlab, qo‘lga olingan ruslarga nisbatan Kiyevning pozisiyasi o‘zgarganini e’lon qildi. Centyabr oyi boshida Amerikaning CNN telekanali shunday ikkita videoni e’lon qildi. Ukraina, «afsuski, yoki xayriyatki», mahbuslarga munosabatda bo‘lganda, xuddi shunday yo‘l tuta olmaydi, lekin baribir «ba’zi narsalarni» o‘zgartiradi, dedi ombudsman.