Madrimov—Krouford jangida Eminem kechaning maxsus mehmoni bo‘ladi
Turki al ash-Sheyx Isroil Madrimov va Terens Krouford jangining rasmiy posterini e’lon qildi.
Bokschilar o‘rtasidagi jang Amerika Qo‘shma Shtatlarining Los-Anjeles shahrida 3 avgust kuni bo‘lib o‘tadi. Isroil va Terens o‘rtasidagi qarama-qarshilik birinchi o‘rta vazn toifasidagi WBA kamari uchun ketadi.
Turnir tashkilotchisi ash-Sheyx posterni taqdim etdi. Unda bokschilardan tashqari mashhur reper Eminemning ham surati tushirilgan. Eminem kechaning maxsus mehmoni bo‘ladi.
Terens Krouford professional ringda o‘tkazgan 40 ta jangining barchasida g‘alaba qozongan. G‘alabalarining 31 tasiga nokaut orqali erishgan.
Madrimov esa 8 mart oqshomida Saudiya Arabistonining Ar-Riyod shahrida rossiyalik Magomed Kurbanovni 5-raundda nokautga uchratib, WBA kamarini qo‘lga kiritgandi.
