Krasnodarda 6 ta o‘zbek avtohalokatga uchradi, qurbonlar bor

5 avgust kuni Krasnodar o‘lkasining Temryuk tumanida yo‘l-transport hodisasi natijasida O‘zbekistonning 6 fuqarosi jabrlangan.

O‘zbekistonning Rostov-Don shahridagi bosh konsulxonasiga xabariga ko‘ra 2 kishi vafot etgan, ulardan birining shaxsi aniqlanmoqda. Qolganlari kasalxonaga joylashtirilgan.

Bosh konsulxona vaziyatni nazoratga olgan, konsullik-huquqiy va tashkiliy masalalarini hal qilishda yordam ko‘rsatish uchun huquqni muhofaza qilish organlari va tibbiyot muassasalari bilan doimiy aloqa o‘rnatilgan.