Jizzaxda aka-ukalar janjali noxush tugadi

2019 yil 6 iyun kuni soat 00.30larda Jizzax viloyatining Zarbdor tumanida yashovchi 26 yoshli S.X. qo‘shnisi 20 yoshli O.X.ning uyi oldida  o‘zaro janjal tufayli uning boshiga tayyoq bilan urgan vaqtida O.Xning akasi 23 yoshli X.O. uyidan pichoq olib chiqib, S.X.ning ukasi 22 yoshli X.X.ni pichoq bilan jarohatlagan.

O‘zbekiston Respublikasi IIV Jamoatchilik va OAV bilan aloqalar boshqarmasining yozishicha, natijada X.X. kasalxonaga yotqizilib, O.X va X.O.lar qo‘lga olingan. Holat yuzasidan jinoyat ishi qo‘zg‘atilib, tergov xarakatlari olib borilmoqda.