Isroilning G‘azodagi maktabga uyushtirgan hujumida 31 kishi halok bo‘ldi

Falastin manbalariga ko‘ra, shanba kuni isroilliklarning G‘azo sektori markazidagi maktabdagi dala kasalxonasiga uyushtirgan hujumida kamida 31 falastinlik, jumladan, bolalar halok bo‘lgan va ko‘plab odamlar yaralangan.

“Isroilning G‘azo markazidagi Dayr al-Bala shahrida ko‘chirilganlar yashaydigan maktab ichidagi dala kasalxonasiga hujumi oqibatida qurbon bo‘lganlar soni 31 kishiga yetdi”, dedi G‘azo hukumati matbuot xizmati so‘zlovchisi Ismoil at-Tavabta Anadolu agentligiga.

Ayni paytda Isroil armiyasi o‘z qiruvchi samolyotlari G‘azo sektori markazidagi Xadicha maktabiga hujum uyushtirganini ma’lum qilib, HAMAS a’zolarini nishonga oldi.

Falastinning HAMAS guruhidan Isroilning da’volari yuzasidan hech qanday izoh berilmagan.