Infratuzilmani rivojlantirish injiniring kompaniyasi tashkil etiladi
![Infratuzilmani rivojlantirish injiniring kompaniyasi tashkil etiladi Infratuzilmani rivojlantirish injiniring kompaniyasi tashkil etiladi](/photos/news/qsUcEPKO5NkwSAH.jpeg)
“Maktabgacha va umumiy o‘rta ta’lim sohasi ob’ektlarini barpo etishda buyurtmachi xizmati faoliyatini yanada takomillashtirish chora-tadbirlari to‘g‘risida”gi Prezident Qarori (PQ-65-son, 08.02.2024 y.) qabul qilindi.
🏢 Qarorga ko‘ra, Qurilish va uy-joy kommunal xo‘jaligi vazirligi huzurida davlat muassasasi shaklida Infratuzilmani rivojlantirish injiniring kompaniyasi tashkil etiladi (Kompaniya).
✅ 2024–2026 yillarda O‘zbekistonning ijtimoiy va ishlab chiqarish infratuzilmasini rivojlantirish dasturi (https://lex.uz/docs/6721094) doirasida Kompaniya maktabgacha ta’lim tashkilotlari, umumta’lim va ixtisoslashtirilgan maktablarni qurish, rekonstruksiya qilish va kapital ta’mirlash bo‘yicha buyurtmachi vazifasini bajaradi.
📝 Unga ob’ektlar uchun markazlashgan holda asosiy qurilish materiallari, jihozlar va konstruksiyalarni (qurilish jarayoni bilan bog‘liq bo‘lmagan mebel jihozlari va asbob-uskunalar bundan mustasno) xarid qilish huquqi beriladi.
🔍 Kompaniya ob’ektlarning sifatini muntazam nazorat qilib borish maqsadida hududlar kesimida har beshta ob’ektga kamida bitta texnik nazorat xodimini biriktiradi.
📁 Kompaniyaga mahalliy va xorijiy boshqaruvchi, maslahatchilarni (PMC – Project Management Consultancy) tender (tanlov) savdolarini o‘tkazmasdan, eng yaxshi takliflar orasidan tanlab olish va to‘g‘ridan-to‘g‘ri shartnoma tuzish orqali jalb qilish huquqi beriladi.