“G‘ijduvon tajribasi” asosida mingta mahallada vertikal o‘sadigan sanoat binolari tashkil qilinadi

Prezident Shavkat Mirziyoyev raisligida iqtisodiy o‘sish sur’atlarini ta’minlash yuzasidan birinchi yarim yillikda amalga oshirilgan ishlar va kelgusi vazifalarga bag‘ishlangan videoselektor yig‘ilishi davom etmoqda.

Tadbirkorlar bilan mahallabay ishlash bo‘yicha “G‘ijduvon tajribasi” asosida tuman hokimlariga yil yakuniga qadar 1 mingta mahallada vertikal o‘sadigan sanoat binolarini tashkil qilish topshirildi.

Bunday binolarda xonadonlarda tashkil qilingan, lekin kengayish imkoni bo‘lmagan ishlab chiqarishlar uchun sharoitlar yaratiladi.

Ushbu sanoat markazlarining ikkinchi va undan yuqori qavatlarida ishlayotgan tadbirkorlarga soliq imtiyozlari beriladi.