Floyd Meyvezer bilan hamkorlik qilayotgan Sanjar Rahmonov navbatdagi jangida mag‘lubiyatga uchradi
6 aprel tongida Floyd Meyvezer bilan hamkorlik qilayotgan o‘zbekistonlik bokschi Sanjar Rahmonov professional ringdagi navbatdagi jangini o‘tkazdi.
Las-Vegasdagi boks kechasida Sanjarga amerikalik Keyt Hanter raqiblik qildi.
8 raundga mo‘ljallangan jang to‘liq davom etib, unda Rahmonov raqibiga ochkolar hisobida yutqazib qo‘ydi.
Qayd etish joiz, bu Sanjar Rahmonovning prof boksdagi 2-mag‘lubiyati bo‘ldi. Sanjarning janglari bugungisi bilan hisoblaganda 14 taga yetdi. O‘zbekistonlik bokschi janglarining 11 tasida g‘alaba qozongan. Shulardan 5 ta nokaut evaziga g‘alabani o‘ziniki qilagan. 1 ta jangida esa durang qayd etilgan.
Hanter esa faoliyatidagi 10-jangini o‘tkazdi. U janglarning barchasida g‘alabaga erishgan. 7 ta jangida esa nokaut evaziga g‘alaba qozongan.