Braziliya Ukrainaga o‘q-dori yetkazib berishni rad etdi
![Braziliya Ukrainaga o‘q-dori yetkazib berishni rad etdi Braziliya Ukrainaga o‘q-dori yetkazib berishni rad etdi](/photos/news/ig4ItnoKxRzpixw.jpeg)
Braziliya Ukrainaga o‘q-dori yetkazib berishdan bosh tortdi, deb yozadi Bloomberg Yevropa va Braziliya rasmiylariga tayanib.
“Braziliya Kiyevga o‘q-dorilar yetkazib berish bo‘yicha ittifoqchi so‘rovlarini rad etdi”, — deyiladi agentlik bayonotida.
O‘tgan hafta Fransiya prezidenti Emmanuel Makron Janubiy Amerika davlatiga tashrif buyurib, braziliyalik hamkasbi Luiz Inasiu Lula da Silva bilan muzokara o‘tkazdi.
Bundan tashqari, Bloomberg ma’lumotlariga ko‘ra, Britaniya va Yaponiya o‘rtasida o‘q-dorilar sotib olish bo‘yicha muhokamalar ham boshi berk ko‘chaga kirib qolgan ko‘rinadi.
2023 yil dekabr oyida Yaponiyaning sobiq mudofaa vaziri Itsunori Onodera mudofaa eksporti qoidalarining yumshatilishiga asoslanib, Tokio Londonga 155 millimetrli artilleriya snaryadlarini sotishi mumkinligini aytdi. Bundan oldin Finansial Times gazetasi Yaponiya Britaniyaga bunday eksport qilish imkoniyatini ko‘rib chiqayotgani va shu bilan bilvosita Kiyevga qurol yetkazib berishda yordam berishi mumkinligi haqida xabar bergan edi.
So‘nggi paytlarda Kiyevliklar snaryadlar yetishmasligidan shikoyat qilmoqda. Ukraina prezidenti Vladimir Zelenskiy ham yanvar oyi o‘rtalarida Davosda so‘zlagan nutqida Ukraina Qurolli kuchlarida o‘q-dorilar yetishmasligini tan oldi. Uning so‘zlariga ko‘ra, Kiyev Rossiya armiyasi bilan qarama-qarshilikka dosh bera oladigan darajada dunyoda harbiy-sanoat kompleksi resurslari yo‘q.
Bir yil avval Yevropa Ittifoqi Ukrainaga 12 oy ichida bir million snaryad yetkazib berishga va’da bergan edi, lekin buni uddalay olmadi. Jozep Borrel buni YEI snaryad ishlab chiqarishda qiyinchiliklarga duch kelganini va alohida davlatlar o‘z arsenali kamayib qolishidan xavotirda ekanligi bilan izohladi.
Rossiya bir necha bor Ukrainaga qurol yetkazib berish faqat mojaroning cho‘zilishini va qurbonlar ko‘payishiga olib kelishini ta’kidlagan edi.