Antaliyada O‘zbekiston va Kuvayt tashqi ishlar vazirlari uchrashuv o‘tkazdi

Turkiyaning Antaliya shahrida bo‘lib turgan O‘zbekiston tashqi ishlar vaziri Baxtiyor Saidov kuvaytlik hamkasbi Abdulloh Ali Al-Yahyo bilan uchrashdi. Ikki tomonlama munosabatning dolzarb masalalari muhokama qilingan mazkur muloqot haqida Kuvayt axborot agentligi “Kuna” yozgan.

– O‘zbekiston – Kuvayt aloqalari kun tartibi kun sayin boyib boryapti, – deya ta’kidlagan mamlakatimiz tashqi siyosat idorasi rahbari muzokara qisqacha tafsilotiga to‘xtalarkan. – Ikki va ko‘p tomonlama shaklda bo‘lajak yuqori darajadagi muloqotlar, iqtisodiy va madaniy diplomatiyani rivojlantirish, hamkorlikning yangi yo‘llarini topish e’tiborimiz markazida bo‘ldi.

Eslatib o‘tamiz, uchrashuv nufuzli xalqaro anjuman – Uchinchi Diplomatik forum doirasida bo‘lib o‘tdi.