Хави учун бугун сўнгги имконият бўлиши мумкин

“Барселона” бош мураббийи Хави “Порту”га қарши Европа Чемпионлар лигаси гуруҳ босқичининг 5-туридан сўнг истеъфога чиқарилиши мумкин, деб хабар бермоқда AS.

Манбага кўра, агар "Барселона" "Порту"га қарши ўйинда мағлуб бўлса ёки дуранг ўйнаса, унинг "Барселона"даги лойиҳасини тугатиши мумкин.

"Барселона" - "Порту" учрашуви Тошкент вақти билан тунда соат 01:00да старт олади.

“Барселона” ҳозирда 9 очко билан Чемпионлар лигаси гуруҳ жадвалида биринчи ўринда бормоқда. “Порту”да ҳам худди шунча очколар мавжуд.