Рекха Шарма: “Ўзбекистонда барча соҳаларда хотин-қизлар фаоллиги ошмоқда”
Самарқандда ўтказилган Осиё хотин-қизлар форумида қатнашган Ҳиндистон хотин-қизлар комиссияси раиси Рекха Шарма Ўзбекистонда хотин-қизларни қўллаб-қувватлаш борасида охирги йилларда кўплаб ишлар амалга оширилганлигини таъкидлади.
Шунингдек, Шарма хоним юксак даражада ташкил этилган биринчи Осиё хотин-қизлар форуми учун Ўзбекистон Президенти Шавкат Мирзиёевга миннатдорлик билдирди.
"Ўзбекистонда барча жабҳаларда аёлларнинг фаоллигини кўряпмиз. Ушбу форумга жуда юқори даражада тайёргарлик кўрилибди. Панел сессияларда муҳокама қилинаётган масалалар хотин-қизларнинг иқтисодий, ижтимоий ва сиёсий ҳуқуқ ҳамда имкониятларига қаратилган. Биласизки, ҳозир замонавий ахборот технология даври. Шу боисдан кўпроқ ушбу йўналишларда ҳам уларнинг фаоллигига эришиш лозим. Жамиятда аёлларнинг ўз ўрнига эга бўлиши учун Осиё қитъасидаги давлатларнинг тажрибаси эса муҳим. Шу боис ушбу форум барча иштирокчи учун ниҳоятда аҳамиятли ва долзарб",
деди Рекха Шарма.
