Туркияга чиқиб кетган ўзбекистонлик йигит бедарак йўқолди

Туркияга чиқиб кетган ўзбекистонлик йигит бедарак йўқолгани аниқланди. Бу ҳақда мамлакатнинг Истанбул шаҳридаги Бош консулхонаси хабар берди.

Маълум қилинишича, яқин қариндошларининг мурожаатига кўра, 2022 йил октябрь ойида Ўзбекистондан Туркияга чиқиб кетган ва бедарак йўқолган 1999 йил Қашқадарё вилоятида туғилган Норсаидов Достон Ўктам ўғли қидирилмоқда.

У тўғрисида маълумотга эга бўлган фуқаролардан Истанбул шаҳридаги Бош консулхонага (0212) 323-20-37 телефон рақами ёки uzbekconsul@yahoo.com орқали хабар бериш сўралди.