“Ахмат” қуролли бўлинмаси қўмондони Апти Алаудинов ўз ихтиёри билан таслим бўлган чеченларни қутқармаслигини, улар "яшашга лойиқ эмаслигини" айтди

Алаудинов ўзининг Telegram каналида украиналик ҳарбийлар томонидан асирга олинган чеченларнинг қариндошлари унга яқинларини озод қилишда ёрдам сўраб мурожаат қилишаётганини ёзди.

Буни изоҳлар экан, Алаудинов "қадимдан чеченлар таслим бўлишни энг катта шармандалик деб билишганини" ва у Украина Қуролли кучларига ихтиёрий равишда таслим бўлган аскарларни қутқармаслигини айтди.

"Мен уларни умуман ҳурмат қилмайман. Мен учун улар ҳатто яшашга ҳам лойиқ эмас", — деди Алаудинов асирга олинган чеченлар ҳақида ва уларга "ўрнидан туриб, украиналикларга ҳужум қилишни, ҳаётини эркакдек тугатишни" маслаҳат берди.