Нақд пул шаклида олаётган пенсиямни пластик картага ўтказиш учун ариза бердим. Энди қачон пластик картамга пенсиям тушади?

Пенcионерларнинг пенсия пуллари уларнинг хоҳишига кўра доимий яшаш ёки вақтинча турган жойдаги Пенсия жамғармаси бўлимлари томонидан пенсияни етказиб бериш юкланган ташкилот орқали нақд пулда ёки тижорат банкининг филиали орқали банк картасига нақд пулсиз ўтказиш йўли билан тўланади.

Фуқаро нақд пул шаклида олаётган пенсия пулини пластик картага ўтказиш учун ариза тақдим қилган бўлса, тўлов шакли фуқаро ариза тақдим этган ёки электрон шаклда мурожаат этган ойдан кейинги ойнинг биринчи кунидан бошлаб ўзгартирилади.