Британия бош вазири тергов қилиниши мумкин

Британия бош вазири Кир Стармер декларация қоидаларини бузди ва у рафиқасига миллионер лорд Ваҳид Алли томонидан совғалар бергани сабабли тергов остида қолиши мумкин, деб ёзади The Telegraph.

Лейбористлар партиясидан пэр (олий дворянлик унвонига эга киши) бўлган Алли Стармернинг рафиқаси учун харидлар бўйича шахсий консултанти, қимматбаҳо кийим-кечаклари харажатини қоплаган. Бу бош вазир лавозимга киришишидан олдин ҳам, кейин ҳам содир бўлган, аммо хизматлар ҳамда совғалар декларация қилинмаган. Шу билан бирга, Лейбористлар партияси буюмларни етказиб беришда ёрдам кўрсатган.

Бизнесмен Алли олдинлари Asos мода кийим-кечаклари савдоси билан шуғулланувчи интернет-дўконга эгалик қилган, унинг бойлиги 200 миллион долларга баҳоланади. 59 ёшли Алли икки йил ичида Лейбористлар партиясида 500 минг фунт стерлингдан ортиқ хайрия қилган ва Стармернинг энг йирик ҳомийларидан ҳисобланади. Бизнесмен жорий йилнинг ўзида унга 18,6 минг фунтлик кийим ва бир нечта кўзойнак совға қилган, шунингдек, бош вазирнинг парламент сайловлари вақтида яшаши учун 20 минг фунт сарфлаган.

Британия депутатлар одоб-ахлоқ кодексида белгиланишича, депутатлар «учинчи томондан берилган ҳар қандай совғани» рўйхатдан ўтказишга мажбур.

Парламент аъзоси ушбу қоидаларни бузгани тасдиқланса, стандартлар бўйича парламент комиссари тергов бошлаши мумкин. Депутатга қонунбузилишини бартараф этиш буюрилиши, масалан, у махсус баёнот бериб узр сўраши ёки Жамоатчилик палатасидан чиқариб юборилиши мумкин.