Шомуродов операция қилинди

Италиянинг "Кальяри" клуби Элдор Шомуродовнинг операцияси бўйича расмйи баёнот берди.

"Бугун футболчимиз Элдор Шомуродовнинг оёғида жарроҳлик амалиёти ўтказилди. Муолажа Римдаги Villa Stuard госпиталида профессор Аттилио Стануччи томонидан ва клубнинг тиббий бўлими бошлиғи Марко Скорку иштирокида амалга оширилди. Операция муваффақиятли ўтди" - дейилади клубнинг расмий баёнотида.

Эслатиб ўтамиз, аввалроқ муваффақиятли операция қилинган ҳамюртимиз Элдор Шомуродов "Инстаграм" орқали мухлисларга мурожаат қилганди.