Месси ва Роналду жамоалари ўртасидаги ўйин санаси аниқ бўлди

"Интер Майами" футбол клуби Саудия Арабистонида мавсумолди ўйинларини ўтказишини эълон қилди.

Жамоа у ерда иккита ўйин ўтказади. 29 январь куни "Интер Майами" "Ал-Ҳилол" билан, 1 февраль куни эса "Ан-Наср" билан баҳс олиб боради.

Эътиборлиси, 1 февраль куни "Интер Майами"да ўйнаётган аргентиналик ҳужумчи Лионель Месси "Ан-Наср" шарафини ҳимоя қилаётган португалиялик ҳужумчи Криштиану Роналду билан учрашиши мумкин.

Месси 2023 йилнинг ёзидан буён “Интер Майами”да ўйнамоқда. Унинг клуб билан шартномаси 2025 йилгача мўлжалланган.

Роналду ўз навбатида 2023 йилнинг 1 январидан буён "Ан-Наср" футболчиси ҳисобланади. Португалияликнинг клуб билан шартномаси 2025 йилгача мўлжалланган.