Криптовалюта сотиб олмоқчи бўлган фуқаро пулларига ухлади

Сурхондарё вилоятида яшовчи 18 ёшли Б.Д. ИИОга мурожаат қилиб, банк картасидан жами 1.257.000 сўм миқдоридаги пул маблағлари номаълум шахс томонидан фирибгарлик йўли билан ўзлаштирилганлигини маълум қилган.

Тезкор-қидирув хизмати Киберхавфсизлик бўлинмалари ходимлари томонидан ўтказилган тезкор-қидирув тадбирлари натижасида, мазкур жиноятни Қорақалпоғистон Республикасида яшовчи Ж.А. содир этганлиги аниқланган.

Унга кўра, гумонланувчи Ж.А., жабрланувчи Б.Д. билан телеграм орқали танишиб, унга криптовалюта (Notcoin) сотишини айтиб уни алдаб, олдиндан 1.257.000 сўм пулларни ўзининг фойдаланувида бўлган пластик картага ўтказиб олган ва пулларни ўз эҳтиёжларига сарфлаб юборганлиги маълум бўлди.

Мазкур ҳолат юзасидан Ж.А.га нисбатан Ўзбекистон Республикаси ЖКнинг 168-моддаси 3-қисми "б" банди билан жиноят иши қўзғатилган.

Қонунга мувофиқ, Ўзбекистон Республикаси Жиноят кодексининг 168-моддаси 3-қисми "б" бандидаги жиноий хатти-ҳаракатлар учун 5 йилдан 8 йилгача озодликдан маҳрум қилиш жазоси назарда тутилган.

Агар Сизда ҳам шундай ҳолат кузатиладиган бўлса дарҳол 102 ёки 1102 📞 ишонч рақамларига мурожаат қилинг!