Украина 55 минг кишини бедарак йўқолган деб эълон қилди

Украина Ички ишлар вазирлиги раҳбари ўринбосари Леонид Тимченконинг сўзларига кўра, жанговар ҳаракатлар туфайли бедарак йўқолган украиналиклар рўйхатида ҳозирда 55 минг киши бор, уларнинг аксарияти ҳарбийлардир.

Тимченконинг сўзларига кўра, бу кўрсаткич «жуда динамик». Баъзи ҳолларда бедарак йўқолганлар аслида асирликда бўлган ёки жанг пайтида вафот этгани маълум бўлади.

Украинада 2023 йил май ойида бедарак йўқолган фуқаролар тўғрисидаги маълумотлар киритила бошланган ягона реестр ишга туширилди. Ўшанда мамлакат Ички ишлар вазирлиги 23 минг киши бедарак йўқолганини маълум қилган. 2024 йил июль ойида вазирлик маълумотларни янгилаб, реестрга 42 минг украиналик киритилгани ҳақида хабар берди.