Фаластин давлати масаласини ҳал қилиш учун коалиция тузилди
Нью-Йоркда бўлиб ўтган "Ғазо секторидаги вазият ва адолатли ва кенг қамровли тинчликка эришиш йўли сифатида икки давлат ечимини амалга ошириш" мавзусидаги вазирлар учрашувида у Фаластин давлатини яратиш коалицияси Европа ҳамкорлиги ва араб давлатларининг саъй-ҳаракатлари самараси эканини таъкидлади.
“Араб ва ислом давлатлари ҳамда европалик ҳамкорларимиз номидан тинчликка эришишга ёрдам берувчи икки давлат ечимини амалга ошириш учун халқаро коалиция тузилганлигини эълон қиламиз ва сизни Саудия Арабистонида бўлиб ўтадиган биринчи учрашувда иштирок этишга таклиф қилишдан мамнунман”, - деди у.
У, шунингдек, “урушни зудлик билан тўхтатиш ва икки давлат ечимини амалга ошириш учун амалий чораларни биргаликда қўллаш зарурлигини” таъкидлади.
Шаҳзода Файсал бин Фархон, шунингдек, “Ғазо секторидаги уруш, Ғарбий Соҳилда Исроил ишғол кучлари томонидан содир этилаётган жиддий қонунбузарликлар, шунингдек, Ал-Ақсо масжиди, исломий ва насронийларга таҳдидлар билан бир қаторда, гуманитар фалокатга сабаб бўлганини” қайд этиб ўтди.
Унинг таъкидлашича, "ўз-ўзини ҳимоя қилиш ўн минглаб тинч аҳолини ўлдиришни, мунтазам равишда йўқ қилиш амалиётини, мажбурий кўчиришни, очликдан уруш қуроли сифатида фойдаланишни, энг оғир шаклларда мунтазам қийноқлар, шу жумладан, жинсий зўравонлик ва бошқа ҳужжатлаштирилган жиноятларни қўллашни оқламайди".
Ўтган ҳафта Саудия Арабистони валиаҳд шаҳзодаси Муҳаммад бин Салмон Фаластин давлати тузилмагунча унинг мамлакати Исроил билан дипломатик алоқалар ўрнатмаслигини таъкидлаган эди.
Унинг қўшимча қилишича, қироллик пойтахти Шарқий Қуддус бўлган мустақил Фаластин давлатини яратиш йўлидаги саъй-ҳаракатларини тўхтатмайди ва бусиз Саудия Арабистони Исроил билан ҳеч қандай дипломатик алоқалар ўрнатмаслигини таъкидлади.
